زامل شيعة شوارع !!
شيعة شوارع !!
أعوذ بسمك ياالقدير القادر
من كل نفسا" ظالمة عبثية
وآعوذ بك من كل حوثي ظاهر
ومن حوث متخلفة مخفية
وآعوذ بك من إنقلابا" خاسر
جاء حط نفسه بقعة الشرعية
قصة جحا وين الحمار العاشر
قالوا لنا ضاعت وهي ملقية
وان قلت كيف الوضع قالوا سابر
الله يصيب الشمة الصعدية
ذي خلت الجاهل وعاده قاصر
وسط النقاط بالجعبة الحوثية
جاهل وطوله ما يزل التاير
يفتشك من فين جيت يا ذيه
جاهل مبردق محتزم بالواير
ويزيد يطرح صورته خلفية
أبو معمر قال يابو عامر
والأخ ابو عمري وابو عمرية
تمو حقوق الشعب أول وآخر
وشعبنا فالصفحة المنسية
والله ماحاجة تسر الخاطر
من يوم جات اللجنة الثورية
إنك مع السيد فقالوا باهر
وحاجتك من سيدك مقضية
وان انت ضده فا انت مجرم كافر
بالذات لا عادك مع الشرعية
لا يا ولي الله مانش كافر
ولا مجوسي عابد الوثنية
أنا يماني أصل طيب طاهر
مؤمن نعم وهويتي يمنية
أسب والعن كل خاين غادر
ما العن صحابة سيد البشرية
واساند الوافي على المتآمر
واحب أرضي واعشق الحرية
أما انت يا حوثي فباطن ظاهر
رافض مجوسي ملتك شيعية
والقاسمي لما وصفكم ساخر
شيعة شوارع واطية سلبية
تؤمن بما قال الأمام الباقر
وتكفروا بالسنة النبوية
تخالف القرآن وجايي غاير
تشرح لنا آيات قرآنية
وميت على حب الوطن ياساتر
وحرام انك بايع الوطنية
وتقتل الأطفال داخل صافر
وتقول هذه طايرة حربية
بس اخجلوا ياكل ثعلب ماكر
لا تحلموا فااحلامكم وهمية
الشعب صاحي والمقاوم ثاير
والجيش متأهب مية باالمية
لكن نصيحة من لسان الشاعر
تسلموا واتراجعوا سلمية
مابش أمل فاالأنقلاب الخاسر
مادام به وحدة وجمهورية
قال ابن عاطف يا وطنا الصابر
هذه وثيقة صادرة رسمية
بنودها عن ما جناه الفاتر
برسل بها للأسرة الدولية
****************
الشاعر/ أمين عاطف
ليست هناك تعليقات: