زامل والله مالي من دفاعي مصلحة

زامل والله مالي من دفاعي مصلحة

والله مالي من دفاعي مصلحة
عن شخص لكن عادة المؤمن نصوح

بدون أدلة كيف قصدك تفضحه
قالت وقيل ماهي لأصحاب الطموح

وكان أحسن لانت صادق تنصحه
في السر ماهي في علاينها تبوح

إن كان قصدك ألف لايك نطرحه
تبشر بها من غير تجريح وجروح

كل الطوايف ضدنا متبجحة
بجهادها والغرب له بارق يلوح

وضد الاصلاح فكرهم والأسلحة
من دون ذنب وكلهم يشتيه يروح

حراكها والرافضي من مطرحه
وكل ليبرالي وعلماني ينوح

وبعض أنصار السلف متوشحة
ضده سيوف الذم والفتنة تفوح

والصوفية ذي يعشقون الأضرحة
والدعم كله من ولد زايد يسوح

ما باقي إلا أنت؟!عشِّقْ وانطحه
مابا تضر الحيد نطحات النَّطُوحْ

صمّامها الإصلاح يا من تقدحه
لو راح بعده أنت واوطانك تروح

قول وفعل ماهو بثوب ومسحبة
ولاّ بتصريحات وِنْقاش وطروحْ

ما هو تعصب لا ولا جيت أمدحه
وما تمد الشمس بالنور المدوح

بس جيت أوضح شي ما حد وضحه
للي على الإصلاح ألفّها شروح

صحِّ الخطا وراد ولكن صلّحه
بالنصح والحسنى وبالقلب السموح

وتاج راسي كل نشمي تلمحه
في مترسه للهرج ما عنده جنوح

لاجل الوطن ما ظن خشمه يفتحه
يشتم رفاق الدرب ويزيد القبوح

لا شايعة بالفيس يمكن تبطحه
ولا يقول بالهدم شا يبني صروح

الخصم واحد لعنبو من يمنحه
فرصة يفرقنا ويفتح له فتوح

عبده تاعب 23/2/2017