يا مغترب والجرح يشرح لك الحال

يا مغترب والجرح يشرح لك الحال 

يا مغترب والجرح يشرح لك الحال
في غيبتك الشوق سوّى سوايا

أتخيلك جنبي وفي ضمّك أختال
وتضمني الخيبة وصمت الزوايا

أتخيلك في البيت واهتف بك تعال
والليل يكتب من هوانا حكايا

إنتا أبيك إنتا وما عاد أبي المال
لا ابي ذهب غالي ولا ابي هدايا

فيني لهيب اشواق واحمالي ثقال
الموت قبلي والمهالك ورايا

أشوف حسني ورد يضمر بالاهمال
ودموع عيني تبل صدر المرايا

ويفز لك قلبي إذا رن جوال
وأهاتفك والشوق يشعل حشايا

وش صار فيني ليه أبكي كالاطفال
والفرق ما حدن قام ينشد سلايا

جاني جوابك قلت في جبهة إقتال
وأعليت بك راسي أمام البرايا

ضد إنقلابي أشعل الحرب إشعال
باع اليمن من أجل يكسب قضايا

له معتقد فاسد ومفتيه دجال
واكبر مشاريعه قبور الضحايا

إثبت فديتك ياهوى الروح والبال
لا تنكسر لو كنت تبغي رضايا

وباذن الكريم النصر والخير وصال
ويرتاح شعبي بعد طول الرزايا

لا قمت تقرأ شعر صغته بمرسال
إثبت ولا تبكي دموع الصبايا

خلك شديد الباس بالصبر رجّالْ
تحميك عين الله ودرعك دُعايا

عبده تاعب21/2/2017